Француските медиуми јавуваат за „неверојатен инцидент“ кој се случил минатиот викенд, а кој наликувал на сценарио од акционен филм.
Беспилотно летало натоварено со дрога и мобилни телефони слетало во дворот на затворот Френес во јужниот дел на Франција ноќта меѓу саботата кон неделата, јавуваат француските медиуми. Инцидентот се случил околу 04:30 часот, а затворските чувари пресретнале три пакети. Во нив имало четири мобилни телефони, УСБ-кабел и полнач и дба пакети канабис, соопшти обвинителството.
Un drone transportant de la drogue est parvenu à se poser dans la prison de Fresnes ce week-end
L'appareil a déjoué les systèmes de brouillage et le dispositif anti-drone
Les détails avec @CamBaron_ sur @LCI pic.twitter.com/p28o24p02E
— La Matinale LCI (@LaMatinaleLCI) October 25, 2022
Во 2018 година била отворена истрага кога два дрона го прелетале затворот Френес, еден од најголемите во Франција. Во јули, 19-годишен маж бил осуден на 20 месеци затвор затоа што неколку недели доставувал телефони и телефонска опрема, канабис, па дури и козметички производи во притворниот центар Секедин, во близина на Лил.
Синдикатот изразил загриженост поради инцидентот бидејќи затворот Френес, изграден во 19 век, веќе има инсталирана опрема за откривање и попречување на дронови.