Турскиот претседател Реџеп Таип Ердоган најави дека првиот турски електричен автомобил ќе се појави на патиштата во првиот квартал од следната година. Тој изрази надеж дека првиот турски електричен автомобил TOGG ќе биде на патиштата во многу земји во светот како престижен турски бренд, јави Анадолија.
Во саботата, во провинцијата Бурса, Ердоган присуствуваше на церемонијата на отворање на комплексот за сериско производство на турскиот електричен автомобил TOGG. Свечената церемонија се одржа на националниот празник Ден на Републиката, кој Турција го слави на 29 октомври.
„TOGG е името на проектот што не мотивира сите нас да уживаме во овој заеднички сон за силна иднина на нашата земја“, рече Ердоган.