Categories
Uncategorized

Video: Luiz Ejlli: Motren e kam pike te dobet

Categories
Uncategorized

Zyrtari i lartë i Policisë së Kosovës, le punën dhe shkon në Itali për të punuar ndërtimtari!

Jep dorëheqje zyrtari i lartë i Policisë së Kosovës, shkon në Itali për të punuar ndërtimtari!


Bedri Paqarizi kishte mision për vite me radhë sigurinë dhe luftimin e krimit të organizuar në Kosovë. Por, tani e tutje Paqarizi ka mision ekzistencën dhe një jetë krejt ndryshe në mërgim.

SHIHNI KANALIN ME TE NDJEKUR NE YOUTUBE:
Zyrtari policor nga Malisheva kishte plot 22 vite punë në Policinë e Kosovës, ndërsa kërkesën vullnetare për dorëheqje e dorëzoi para pak javësh.

Në kërkesën e siguruar nga Indeksonline thuhet se arsyet janë personale dhe familjare.

“Ka qenë privilegj i madh për mua që të iu shërbej qytetarëve të Republikës së Kosovës për 22 vite. Falënderoj gjithë zyrtarët me të cilët kam bashkëpunuar nga viti 2011 si dhe vlerësimin e punës sime në Polici” ka shkruar ndër të tjera Bedri Paqarizi në letrën e dorëheqjes në këtë institucion.
Indeksonline e ka kontaktuar ish-zyrtarin policor i cili tashmë ka arritur në Itali.

“Jam munduar për vite me radhë të punoj me ndershmëri por e pash se nuk ia vlen. E kam marr këtë vendim për të ardhmen e fëmijëve të mi, edhe pse e di që është një vendim shumë i vështirë për mua. Ka disa ditë që kam ardhur në Itali. Tash do të regjistrohem si azilant dhe më duhet të punoj në ndërtimtari” ka thënë Paqarizi për Indeksonline.

Bedri Paqarizi ishte punonjës në Divizionin kundër Krimit të Organizuar, saktësisht hetues në Drejtorinë e Trafikimit të Qenieve Njerëzore.
Shumë mirënjohje dhe dekorata ka marrë në punën e tij për vite me radhë. Paqarizi nga Malisheva në të kaluarën ishte edhe ish-ushtar i UÇK-së në Zonën Operative të Pashtrikut, Brigada 124 “Gani Paçarizi”./Indeksonline/

Categories
Uncategorized

“Lista e Zezë”/ Ahmeti: Përhajër u qoftë atyre që do të jenë në këto lista

Kryetari i Bashkimit Demokratik për Integrim, Ali Ahmeti së bashku me zyrtarë të partisë, mbrëmë ka vazhduar takimet me qytetarë dhe aktivistë partiak nga qyteti i Tetovës, përkatësisht nga këshillat vendorë Reçicë e Madhe, Reçicë e Vogël 1 dhe 2, Teqe, Bregu i Diellit dhe Jashtë Vardarit. Ahmeti para të pranishmëve tha se, BDI në vitin 2002 bëri një hap për të gjithë shqiptarët, për të jetësuar marrëveshjen e Ohrit, ndërsa tani u takon që hapin ta bëjnë gjeneratave të reja drejt BE-së, raporton Nistori.

“Tani jemi në paradhomën për anëtarësim në Bashkimin Europian, prandaj duhet t’i thërrasim njerëzit dhe të ulemi e të bisedojmë, sepse shumë parti politike që janë regjistruar e ç’regjistrur deri më tani, 14 në numër, nuk kanë mundur ta fitojnë BDI-në. Ndaj, ne duam tani të hapet një etape e re, një front pro BE që përshpejton anëtarësimin tonë në Unionin Europian. Ky front është një ndihmë që e përshpejtojn rrugën tonë drejt BE-së, që mobilizon drejt ndryshimeve kushtetuese, Ky front duhet te funksionoj edhe tek bashkëqytetarët tanë maqedonas.” – deklaroi Ahmeti

I pyetur nëse do të ketë në listën e zezë të ShBA-së funksionarë të BDI-së, Ahmeti vlerësoi faktin edhe nëse ka, përhajër u qoftë atyre që do të jenë në ato lista.

“Mendoj që janë ca legjenda që thurren, listat e zeza të funksionarëve. Tash për tash nuk ka asnjë informacion zyrtar. Këtu kanë qenë përfaqësues të lartë të ShBA-së. Janë interesuar mbi proceset në vend, sidomos për korrupsionin, për krimin, për sundimin e ligjit. Kanë qëndruar disa ditë dhe janë kthyer. Mirëpo këtu, si Europa, si Amerika kanë përfaqësitë e veta, kanë vëzhguesit e vet dhe unë nuk kam ndonjë ifnormacion për hartim të listave të zeza. Nëse ka lista të zeza dhe ky vlerësim është bërë nga Departamenti i Shtetit, përhajër u qoftë atyre që do të jenë në ato lista. Nuk kam çfarë u bëj unë” – deklaroi Ahmeti.

Ndryshe, duke përmbyllur javën e kaluar me aktivitete në Gostivar, BDI këtë javë do të ketë takime me qytetarët në Tetovë. /Nistori

Categories
Uncategorized

Dashmir Elezi largohet nga Gjeorgjia, rikthehet në Tetovë

Dashmir Elezi rikthehet në Tetovë. Talenti do të jetë sërish pjesë e Shkëndijës edhe pse disa javë më parë firmosi me ekipin nga Gjeorgjia, Torpedo Kutaisi.

KF Shkëndija përmes një komunikate i drejtohet opinionit për të sqaruar situatën e re të krijuar në lidhje me sulmuesin Dashmir Elezi.

Edhe pse me kërkesë të vetë futbollistit dhe familjes së tij, KF Shkëndija vendosi të mos pengojë dëshirën dhe pretendimet e lojtarit për tu transferuar jashta vendit. Kësisoj u pranua oferta e Torpedo Kutaisit dhe Elezit i’u aprovua transferimi në Gjeorgji.

Fatkeqësisht pas firmosjes dhe prezantimit me klubin e ri, duke ditur ndodhitë familjare të Dashmir Elezit (brenda një muaj humbi babain dhe gjyshin), 18-të vjeçari është gjetur në situatë të rënduar emocionale dhe ndërkohë nga Torpedo Kutaisi i është dhënë leje që të kthehet në Tetovë për të vendosur me qetësi për të ardhmen.

Vendimi i futbollistit dhe familjes është se duke ditur ndodhitë familjare në këtë moment, transferimi jashta vendit ishte hap i shpejtuar dhe se në këtë periudhë Dashmiri ka nevojë të qëndrojë pranë të afërmve të tij.

Në këtë situatë, Shkëndija ka hapur sërish dyert për Elezin, i cili iu është bashkuar kuqezinjëve.

Categories
Uncategorized

Faturat e larta të rrymës “godasin” xhepin e qytetarëve

Shtrenjtimi i rrymës duhej të ndodhte nga 1 janari, por edhe faturat e dhjetorit erdhën me çmime kontradiktore. Qytetarët e panumërt ia kanë mësyrë pikave pagesore të EVN-së për t’i kontestuar faturat me kosto të larta. Disa thonë se u ka ardhur dyfishi i çmimit të energjisë elektrike në krahasim me faturën e nëntorit.

“Më kanë vënë në bllok-tarifën e katër kinse kam harxhuar shumë rrymë, por ne jetojmë dy veta, unë dhe djali dhe për këtë muaj me erdhi fatura 18,390 denarë këtë nuk e kam të qartë. Bojlerin e ndezi pas orës 22:00, gjithë ditën nuk jemi në shtëpi. Për nëntorin fatura më erdhi rreth 8 mijë denarë. Si mund ta paguaj kur marr 15 mijë denarë pagë, më mirë të rrijë në terr pa rrymë, le të më shkyçin lirshëm.”

“Vetëm në muajin e 12-të fatura na erdhi 24 mijë denarë, i bie 400 euro. Sa anëtarë të familjes jeni? Jemi vetëm katër anëtarë. A për nëntorin sa paguat? Sa herë po na vjen shumë, 8 mijë denarë pata paguar, bile edhe verës kur e kisha solarin për ujë të ngrohtë, kam paguar nga 5 mijë denarë në muaj.”

Nga 1 korriku është hequr tarifa e lirë ditore ndërmjet 14:00-16:00, ndërsa nga 1 janari rritje të lehtë ka edhe çmimi për tarifën e lirë të natës 22:00-06:00, për 1kw dikur kushtonte 3.99 tani do të kushtojë 4.00 denarë. Në përpjekje për të kursyer qytetarët thonë se lajnë, gatuajnë dhe ngrohen vetëm natën, por faturat rriten.

“Me EVN-në duhet të shkohet nëpër gjykata, e kush fiton deri më tani vetëm një padi ka kaluar ndaj tyre, mbahen ata nën kontrolle. Me këto fatura, ka organe përkatëse që duhet të hetojnë nëse janë të vërteta. Nëse nga 1 janari është shtrenjtuar rryma, përse konsumatorët që kanë kontestuar faturat deri më 31 dhjetor nuk u pranohen!? Qëllimisht lihen më pak që në faturën e radhës ta fryjnë me çmimoren e re.”

“Pak më vështirë, çdo muaj ka rritje të diçkaje ndonëse prisnim ulje çmimesh. Paratë janë ato që marrim kurse vlera e tyre është ulur shumë në raport me atë që duhet të sigurojmë për ekzistencë.”

Nga EVN Home thonë se humbjet teknike dhe komerciale në nivel të shtetit për 2022-ën janë rreth 14%. Sipas tyre, vjedhjet përfshihen në këto shifra, edhe pse nuk iu faturohen qytetarëve të tjerë, por shifrat paraqiten në Komisionin Rregullator të Energjetikës, ndërsa më tej të njëjtat merren parasysh nga ana e KRRE-së në momentin e formimit të çmimit të ri të energjisë elektrike.

“Në krahasim me muajt e mëparshëm, çdo vit gjatë periudhës dimërore vërehet rritje e lehtë e numrit të ankesave, si rezultat i rritjes së konsumit të energjisë elektrike nga ana e qytetarëve për shkak të temperaturave të ulëta. Ankesat trajtohen individualisht nga ana e shërbimeve të EVN, ndërsa çdo konsumator pranon përgjigje të përshtatshme”, njoftojnë nga EVN HOME.

Me vendim të KRRE nga 1 janari energjia elektrike faturohet pak më e lirë për amvisëritë dhe kompanitë e vogla. Për familjet që kursejnë, çmimi i rrymës për bllokun I dhe II ulet simbolikisht, rritje çmimesh ka për bllokun e III dhe IV. Këtyre faturave do të ulet kostoja e shpërndarjes së rrymës nga 3,3 në 2,68 den. për kw/h, por të njëjtës iu shtua TVSH nga 5% në 10%, para për të cilat shteti krekoset se subvencionon rrymën për amvisëritë dhe kompanitë e vogla. /Alsat.mk

Categories
Uncategorized

VIDEO: Luizi i tha të shohë drejtimin e saj, Kiara nuk duron dot larg tij dhe shkon dhe e puth

Luizi u shpreh se është i lodhur nga situata e krijuar në shtëpi, ku mnë çdo situatë duhet të mbrojë Kiarën. Ai tha se Kiara është aq e përgjegjshme dhe e pjekur sa të mbrojë veten e saj, kur ajo debaton me dikë.

Luizi tha se shpreson që Kiara mos ta ketë asnjëherë nevojën e tij, por edhe në rast se do e kërkojë ndihmën e tij për diçka, ai do jetë gjithmonë aty, mjafton një shikim.

Edhe Efi e mbështeti mendimin e Luizit. Ashtu si ai, ajo tha që duhet ta lërë Kiarën të përballet vetë me situatat në shtëpi.

Marrëdhënia mes Kiarës dhe Luizit duket se po avancon më shumë. Ditën e djeshme Luizi vendosi që të vendosë një distancë nga Kiara në mënyrë që të shohë se si do shkonte marrëdhënia dhe nëse kjo e fundit do të bënte një hap kundrejt tij.

Ditën e sotme Kiara ka bërë një hap drejt marrëdhënies me të, dhe i ka dhuruar një puthje në qafë. SHIH VIDEON

Nga video e publikuar Luizi duket shumë i emocionuar, dhe kjo vërehet në fytyrën e tij.

Categories
Uncategorized

Ky është mjeku që dyshohet që e sulmoj punëtorin në spitalin e Pejës

Mjeku i Spitalit të Përgjithshëm të Pejës, dyshohet se të hënën ka sulmuar fizikisht një punëtor të spitalit. Rasti është hapur në polici. “Indeksonline”, mëson se mjeku i cili dyshohet që e sulmoi punëtorin është Besnik Ibraj. Ibraj sipas burimeve të ” IndeksOnline”, është emëruar ushtrues i detyrës së drejtorit të mjekëve në pozitën të cilën e kishte ushtruar mjeku Muhamet Haliti, i cili është suspenduar pas rastit të foshnjës në Pejë.

Rastin e ka konfirmuar zëdhënësi i Policisë për Rajonin e Pejës, Fadil Gashi. Ai tha se rasti është hapur si “lëndim i lehtë trupor”.

“Dje rreth orës 13:44 një punëtor i Spitalit Rajonal ka ardhur dhe e ka njoftuar policinë se është sulmuar nga një mjek në Spitalin Rajonal në Pejë. Policia menjëherë ka dal në vendin e ngjarjes, i ka intervistu viktimën, dëshmitarët dhe të dyshuarin. Lidhur me rastin është njoftuar prokurori i cili ka udhëzuar që të iniciohet rasti “lëndim i lehtë trupor”. Rasti është duke u hetuar nga njësiti kompetent policor”, u shpreh Gashi.

Gashi shtoi se motivi që çoi deri te sulmi fizik ishte “rreth një mosmarrëveshjeje, për orar të punës”. Sipas tij, viktima ka pranuar trajtim mjekësor./Indeksonline/